ស្រណោះសំនៀងល្ខោនបាសាក់ : និពន្ធដោយ៖ ផេង វិសុដ្ឋារ៉ាមុនី

ស្រណោះសំនៀងល្ខោនបាសាក់

បទពាក្យប្រំាបី

&&&&&&&&

១. ល្ខោនសម្តែងក្រោមពន្លឺច័ន្ទ                                

 មនុស្សម្នាណែនណាន់ពេញត្រៀបត្រា

   ក្មេងចាស់ប្រុសស្រីអ៊ូអរក្លៀវក្លា                 

មានតូបអាហារចំណីព្រោងព្រាត។

២. ពេលលឺសម្លេងបទភ្លេងបាសាក់               

អារម្មណ៏ខ្ញុំដាក់ ស្តាប់សែនពិរោះ

​​​​    ថែមទំាងស្រណោះអាឡោះដល់ឈ្មោះ     

បាសាក់ជាឈ្មោះទន្លេស្រុកខ្ញុំ ។

៣.  សូរសៀងសំនៀងចំរៀងបាសាក់             

កំសត់អួលអាក់ សប្បាយសុខដុម្យ

     និរាសព្រាត់ប្រាស់ សំណើចសុខុម          

កូនខ្មែរនិយម ចូលចិត្តគ្រប់គ្នា  ។

៤.   ឱ!បទភ្លេងបាសាក់ ខ្ញុំសែនស្រណោះ       

អាល័យអាឡោះនឹកទៅដល់ស្រុក

     កំណើតល្ខោនខ្មែរ ត្រូវយួនអុកឡុក          

គ្រប់គ្រងដែនស្រុកកំណើតល្ខោនខ្មែរ ។

៥.  គឺស្រុកកំណើតល្ខោន៖នៅខេត្តឃ្លំាង         

ទល់ព្រះត្រពំាង កម្ពុជាក្រោម

    ខាងចុងដងទន្លេបាសាក់ក្រោម                

ដែនដីល្អឆោម សណ្តរមេគង្គ ។

ភូមិស្វាយជួរ,រាត្រីថ្ងៃសុក្រ ១៥កើត ខែមាឃ.ព.ស២៥៥៧ ត្រូវនឹងថ្ងៃទី១៥ខែកុម្ភះឆ្នំា២០១៤

និពន្ធដោយ៖ ផេង វិសុដ្ឋារ៉ាមុនី