ឆ្ងល់ (កំណាព្យ មេពាក្យ ៨)

ឆ្ងល់

(កំណាព្យ មេពាក្យ ៨)

១.ឆ្ងល់ណាស់ដីខ្មែរស្រែចេះតែរួញ 
ឆ្ងល់ពីសៀមយួនរុកគួនខេមរា 
ឆ្ងល់ន័យពាក្យខ្មែរមានច្រើនម្លេះណា 
ឆ្ងល់ពីគ្រួសារខ្មែរឈ្លោះតែគ្នា។ 

២.ឆ្ង់ល់ពីកូនខ្មែរចូលចិត្តអំនួត 
ឆ្ងល់ពីខ្មែរឆ្កួតនឹងអំណាចមា 
ឆ្ងល់ទឹកដល់កខ្មែរមិនសាមគ្គា 
ឆ្ងល់ខ្មែរវេទនាលោកធំមិនខ្វល់។ 

៣.ឆ្ងល់ឧបាយកលបោករាស្រ្តប្រជា 
ឆ្ងល់កម្ពុជាកម្មមិនឈប់ផ្តល់ 
ឆ្ងល់ខ្មែរគិតតែផ្ទាល់ខ្លួនបានផល 
មិនសូវនឹកដល់ខ្វល់ប្រយោជន៏ជាតិ។ 

៤.ឆ្ងល់បណ្ឌិតខ្មែរខ្លះឡើងតាមសក្តិ 
ឆ្ងល់ខ្មែរល្មោភប្រាក់លក់កេរ ធម្មជាតិ 
ឆ្ងល់ខ្មែរនៅឆោតគេបោកមិនឃ្លាត 
ឆ្ងល់ខ្មែរប្រើស្នៀតតែកលអាក្រក់ ។ 

ភូមិស្វាយជួរ(ស្អាង) ថ្ងៃទី ២៤ ខែកក្កដា ឆ្នាំ ២០១១ 

ដោយ ផេង វិសុដ្ឋារ៉ាមុនី