ឈាមយើងជាខ្មែរ

ឈាមយើងជាខ្មែរ
==============
បទពាក្យប្រំាបី
១:  ឈាមយើងជាខ្មែរ ពូជពង្សអង្គរ
    មានជំហរ ឈរមំាមួនខ្លំាងក្លា
     ជាតិយើងធ្លាប់ល្បីថ្កើងយសចេស្តា
រាស្រ្តខេមរា រស់នៅដោយសុខា ។
២:  ប្រពៃណីជាតិ វប្បធម៌សាសនា
រីកដុះដាល ថ្លាពាសពេញលោកា
      អង្គរ-បាយ័ន-មោទនះ ខេមរា
កេរដូនតា ពីបុព្វេបុរាណ ។
៣:  ឈាមយើងជាខ្មែរ ពូជពង្សតែមួយ
គួរគិតស្ទួយ ជួយជាតិតាមលំអាន
      រួមរួបសាមគ្គី ឯកភាពជាតិបាន
ខ្មែរសុខសាន្ត រស់ក្នុងសន្តិភាព ។
៤:   បើមានខុសត្រូវ គួរគិតឈាមខ្មែរ
បញ្ឈប់ដែរ ហិង្សាដែរថោកទាប
      ចាប់យកព្រះធម៌ ដាក់ខ្លួនជ្រួតជ្រាប
សន្តិភាព ផ្លូវចិត្តគ្រប់រាស្រ្តខ្មែរ ។
៥:   ឈាមខ្មែរ ស្រលាញ់ខ្មែរ ថែជាតិយើង
មិនទំនើង ពើងហួសខ្នាតជាតិដែរ
      យុត្តិធម៌ សេរីភាព តម្កល់ដែរ
ប្រយោជន៏ខ្មែរ គួរគិតទំាងប្រុសស្រី។
៦:    ឈាមខ្មែរ ឈាមកេរអង្គរមហា
ឈាមដូនតា ស្នេហាជាតិទឹកដី
       ឈាមអ្នកប្រាជ្ញ រាជបណ្ឌិតបូរី
ខ្មែរប្រុសស្រី គួរចេះស្រលាញ់គ្នា  ។
រាត្រី,រាជធានីភ្នំពេញ.ថ្ងៃ សុក្រ ទី២៨ ខែកុម្ភះ ឆ្នំា២០១៤
និពន្ធដោយ៖ ផេង វិសុដ្ឋារ៉ាមុនី