សម្រស់នារីខ្មែរ ខេត្តកំពង់ឆ្នំាង
—
១. មិននឹកស្មានថាកំពង់ឆ្នំាងខេត្ត
ស្រីខ្មែរល្អឯកស្លូតបូតរាបសារ
ដំណើរល្វត់ល្វន់ទន់ភ្លន់ម្លេះណា
ទំាងចរិយាសមនារីខ្មែរ។
២. ដៃស្រីកណ្តៀតក្អមចុះដងទឹក
ស្មារតីរៀមភ្លឹកលង់សម្រស់ស្នេហ៏
ម្រាមស្រីផាត់ទឹករលកប្រួលប្រែ
ចង់ថ្នាក់ថ្នមថែបីប៉មកាយា។
៣. កំភួនតូចស្តើងដើមទ្រូងល្អគន់
ភ័ក្រ្តាមានមន្តស្នេហ៏ទាក់នេត្រា
សាច់ ស ម៉ត់សូន្យ រលោងម្លេះណា
ចំណែកកេសានាងវែងអន្លាយ។
៤. ឱ!
កំពង់ឆ្នំាងអើយខ្ញុំសូមផ្ចើប្រាណ
ផ្ចើឆ្អឹងមួយចាននៅជាប់កៀកកាយ
សូមអ្នកប្រណីផងណាឆោមឆាយ
រៀមមិននឿយណាយនិងស្រីសោះឡើយ។
រាជធានីភ្នំពេញ,ថ្ងៃពុធទី២៤ខែកុម្ភះឆ្នំា២០១៤
និពន្ធដោយ
ផេង វិសុដ្ឋារ៉ាមុនី
No comments:
Post a Comment