ស្រណោះសំនៀងល្ខោនបាសាក់ បទពាក្យប្រំាបី

ស្រណោះសំនៀងល្ខោនបាសាក់
បទពាក្យប្រំាបី
========================
១. ល្ខោនសម្តែងក្រោមពន្លឺច័ន្ទ                                
 មនុស្សណាន់ណែនពេញត្រៀបត្រា
   ក្មេងចាស់ប្រុសស្រីអ៊ូអរក្លៀវក្លា
តូបអាហារមានចំណីព្រោងព្រាត។
២. ពេលលឺសម្លេងបទភ្លេងបាសាក់
អារម្មណ៏ដាក់ ខ្ញុំស្តាប់សែនពិរោះ
    ថែមទំាងស្រណោះអាឡោះដល់ឈ្មោះ
បាសាក់ឈ្មោះនៃទន្លេស្រុកខ្ញុំ ។
៣.  សូរសៀងសំនៀងចំរៀងបាសាក់
កំសត់អាក់អួល សប្បាយសុខដុម្យ
     និរាសព្រាត់ប្រាស់ សំណើចសុខុម
កូនខ្មែរនិយម ចូលចិត្តគ្រប់គ្នា  ។
៤.   ឱ!បទភ្លេងបាសាក់ ខ្ញុំសែនស្រណោះ
សែនអាឡោះនឹកទៅដល់ឯស្រុក
     កំណើតល្ខោនខ្មែរ ត្រូវយួនអុកឡុក
គ្រប់គ្រងស្រុកដែនកំណើតល្ខោនខ្មែរ ។
៥.  គឺស្រុកកំណើតល្ខោន៖នៅខេត្តឃ្លំាង
ព្រះត្រពំាងដី កម្ពុជាក្រោម
    ខាងចុងដងទន្លេបាសាក់ក្រោម
ដែនដីល្អឆោម សណ្តរមេគង្គ ។
ភូមិស្វាយជួរ,រាត្រីថ្ងៃសុក្រ ១៥កើត ខែមាឃ.ព.ស២៥៥៧ ត្រូវនឹងថ្ងៃទី១៥ខែកុម្ភះឆ្នំា២០១៤
និពន្ធដោយ៖ ផេង វិសុដ្ឋារ៉ាមុនី