ចង់បានប្រពន្ធស្អាត
======================
ចង់បានប្រពន្ធស្អាត ត្រូវខំរៀន
វិជ្ជារបៀន អោយជ្រៅជ្រះខ្ពស់
ខិតខំស្រាវជ្រាវ ផ្សព្វផ្សាយកេរឈ្មោះ
អោយល្បីពិរោះ ក្រអូបច្រាស់ខ្យល់ ។
ចង់បានប្រពន្ធស្អាត សង្វាតខិតខំ
រកស៊ីស្កុកស្តម វៀចាកកិច្ចកល់
ជំនួញសុចរិច ពិតនឹងហុចផល
សេដ្ឋកិច្ចជួយដល់ ចំរើនគ្រួសារ ។
ចង់បានប្រពន្ធស្អាត រស់ដោយវិន័យ
សីលធម៌ប្រពៃ គោរពដូនតា
ស្រលាញ់ទឹកដី ជាតិនិងសាសនា
ស្មោះអង្កក្សត្រា មហាក្សត្រយើង។
======================
២៥- កុម្ភះ - ២០១៤
ផេង វិសុដ្ឋារ៉ាមុនី
No comments:
Post a Comment