អក្ខរាផ្ចើជូននារីបណ្តូលចិត្ត : និពន្ធដោយ៖ ផេង វិសុដ្ឋារ៉ាមុនី

អក្ខរាផ្ចើជូននារីបណ្តូលចិត្ត

—

១. អក្ខរាថ្លាថ្លែងបងតែងផ្ទាល់ដៃ                                     

   ផ្ចើជូនចរណៃជ្រាបជាដំណឹង

​         ពេលអូនបានអានសុំអូនកុំខឹង                       

ពាក្យពេចន៏ប៉ុណ្ណឹងអូនទប់អារម្មណ៏។

២.បើយើងជាគូពិតជាមិនព្រាត់                             

ទោះម៉ែឪឃាត់ក៏ឃាត់មិនបាន

បងសុំធានាស្នេហ៏តែកល្យាណ                             

លុះគ្រាអវសាន្ត ស្មោះតែរូបអូន។

៣. អូនអើយៗអូនបងសែនចុកចាប់                       

វិះបែកទ្រូងស្លាប់ព្រោះម្តាយបង្ខំ

រៀបការស្រីថ្មីកូនឯកឧត្តម                                   

ព្រមទំាងបង្ខំបងផ្តាច់ស្នេហ៏អូន។

៤. បងដឹងចិត្តអូនច្បាស់ហើយកល្យាណ                 

ស្រីព្រមផ្ចើប្រាណនិងបងលុះសូន្យ

យើងស៊ូរួមរស់លើទ្រនុំក្បូន                                  

បងមានតែអូន ជាត្រួយជីវិត ។

៥.  ទោះបីមេឃខ្មៅ ពពកបំាងបិទ                         

ក៏ស្នេហ៏យើងពិតជាស្នេហ៏អមតះ

មិនចាញ់អំណាចបុណ្យសក្តិមាសប្រាក់                  

ទោះបីមេឃបាក់សង្កត់ក៏ដោយ ។

៦.  ជាតិនេះស៊ូស្លាប់មិនក្បត់ស្នេហ៏ស្មោះ                

សូមអូនកុំអស់សង្ឃឹមនឹងបងឡើយ

​ បងនឹងតស៊ូលុះបានដល់ត្រើយ                            

យកអូនកៀកកើយជាគូស្នេហ៏ពិត។

ស្វាយជួរ,ថ្ងៃសុក្រទី១៥ខែកុម្ភះឆ្នំា២០១៤

និពន្ធដោយ៖ ផេង វិសុដ្ឋារ៉ាមុនី