រមនីយដ្ឋានភ្នំស្អាង
›››››››››
មានទីតាំងនៅក្នុងឃុំស្អាងភ្នំ មានចម្ងាយប្រមាណ២៣គីឡូម៉ែត្រពីតាខ្មៅ
ឬ៣៤គីឡូម៉ែត្រពីភ្នំពេញ និងអាចទៅដល់បានតាម រយៈផ្លូវជាតិថ្មីលេខ២១
(សាងសង់ក្នុងជំនាន់ពុលពត លាតសន្ធឹងលើតំបន់វាលនៃទួលក្រសាំង)
ពីតាខ្មៅទៅដល់ ផ្លូវជាតិចាស់លេខ២១ នៅវត្តឈូកលៀប ឃុំរកាខ្ពស់ក្នុងចម្ងាយ១២គីឡូម៉ែត្រ
និងពីវត្តឈូកលៀបទៅផ្សារនៅស្រុកស្អាង ក្នុងចម្ងាយ៥គីឡូម៉ែត្រ
បត់ស្តាំ២.៥គីឡូម៉ែត្រតាមផ្លូវលំមួយ នឹងទៅដល់ខ្លោងទ្វារវត្តមួយ
ហើយបត់ស្តាំតាមផ្លូវលំចម្ងាយ២.៥គីឡូម៉ែត្រទៀត
នឹងទៅដល់ភ្នំស្អាង។ភ្នំស្អាងគឺកន្លែងកម្សាន្តបែបវប្បធម៌
និងធម្មជាតិមួយ ដែលមានវត្តមួយបានសាងសង់នៅលើកំពូលភ្នំ
ដែលយើង អាចមើលឃើញទេសភាពដ៏ស្រស់ស្អាតដែលនៅព័ទ្ធជុំវិញ។ ភ្នំស្អាង
មិនមានដើមឈើច្រើន ដូចភ្នំធន់មន់ទេ
ប៉ុន្តែនៅជុំវិញវត្តមានបឹងដ៏ធំមួយសម្បូរទៅដោយត្រី ផ្ការំចង់
និងព្រលឹង ហើយក្រៅពីជិះទូក អ្នកទេសចរ អាចរីក
រាយជាមួយនឹងការស្ទូចត្រីបានថែមទៀតផង។ ក្នុងរដូវវស្សា
ភ្នំស្អាងហាក់ដូចជាកោះមួយព័ទ្ធជុំវិញដោយទឹកដ៏ធំ ដូច្នោះដែរ។
›››››››››
វត្តភ្នំទំពែក
››››››››››
មានទីតាំងនៅឃុំក្រាំងញ៉ូវ
ស្រុកស្អាង ខេត្តកណ្តាល។ មានផ្ទៃដី ៨,០០០ ហិកតា
និងប្រជាជនសរុប ១២,៧០០នាក់។ ក្រំាងយ៉ូវគឺជាតំបន់អភិវឌ្ឍន៍
របស់សម្តេចអគ្គមហាសេនាបតីតេជោហ៊ុន សែន គម្រោងលើការអភិវឌ្ឍន៍ វិស័យ កសិកម្ម
នៅក្នុងតំបន់នោះ មានវាលស្រែដ៏ធំ ប្រព័ន្ធធារាសាស្ត្រ និងផ្លូវដីក្រហមពីភូមិមួយ
ទៅភូមិមួយទៀត។
››››››››
វត្តភ្នំធនមន្ត
មានទីតាំងនៅឃុំព្រែកគយ ស្រុកស្អាងមានចម្ងាយ២៣.៥គ.ម ពីតាខ្មៅ
ឬមានចម្ងាយ៣៤.៥គ.ម ពីភ្នំពេញ តាមរយៈផ្លូវជាតិលេខ២១។ ភ្នំធនមន្ត
អាចទៅដល់តាមផ្លូវជាតិលេខ២១ ពីភ្នំពេញទៅដល់ផ្សារព្រែកតូច
ក្នុងស្រុកស្អាង និងបន្តរហូតដល់ផ្លូវបត់ នៃសាលាបឋមសិក្សាស្វាយតានី២០គ.ម
ពីតាខ្មៅ តាមផ្លូវជាតិលេខ២១ ហើយបត់ស្តាំប្រហែល ៣.៥គ.ម។
បើសិនយើងធ្វើដំណើរតាមបណ្តោយទន្លេបាសាក់
ចម្ងាយផ្លូវទឹកស្មើនឹងចម្ងាយផ្លូវលេខ២១ចាស់ ពីភ្នំពេញ ទៅផ្សារស្អាង
មានចម្ងាយ៣៦គ.ម។ វត្តនេះបានសាងសង់ឡើងក្នុងឆ្នាំ១៩៥៤ ដោយព្រះសង្ឃមួយអង្គព្រះនាម
រ័ត្ន ផាន់។
›››››››››
No comments:
Post a Comment