បទពាក្យប្រំាបី
១. បុប្ជាខេត្តឃ្លំាង រនំាងដួងចិត្ត
រៀមប៉ងស្នេហ៏ស្និទ្នលើស្រស់ជីវ៉ា
បើអូនឆ្លើយប្រាប់បង ថាស្នេហា
រៀបបណ្ណាការ អោយម៉ែចូលស្តី ។
២ . ល្អអើយល្អម្លេះ ផ្កាជ្រោយសមុទ្រ
ក្រពុំបរិសុទ្ធ ភិរម្យភក្តី
បើស្អាតម្លឹងៗ នៅយូធ្វើអី
អោយម៉ែចូលស្តី យកអូនជាគូ ។
៣. សំណាងបងណាស់សុបិន្តឃើញពៅ
រៀមគន់យូទៅ ដូចជាគំនូរ
បិទភ្នែកសំងំ ទើបឃើញស្រីយូ
ស្រស់ដូចគេគូរ ផ្កាជ្រោយសមុទ្រ ។
៤. រៀមលើកដៃបួងផ្សងក្នុងសុបិន្ត
សុំកែវមាសឆ្អិន ជាគូស្នេហា
ភ្ជាក់ឡើងបាត់ស្រី រៀមផ្ចើវាចា
តាមខ្សែជលសា ទន្លេបាសាក់ ។
៥. ថារៀមលួចគួចចិត្តវរមិត្តស្រី
សុំស្នេហ៏មេត្រី ដោយចិត្តស្មោះស្ម័គ្រ
ព្រោះរូបសម្ជស្សស្រស់កែវវល័ក្ខណ៏
ចូលសុបិន្តជាក់ អោយរៀមស្គាល់ស្រី ។
៦. ឱ!ខ្សែទឹកទន្លេបាសាក់អើយ
អ្នកកុំព្រងើយ ជួយនំាសំដី
ទៅប្រាប់វរមិត្ត នៅចុងបុរី
ថារៀមស្នេហ៏ស្រី បុប្ជាខេត្តឃ្លំាង ។
រាជធានីភ្នំពេញ,ថ្ងៃទី ១៥ មិថុនា ២០១៤
និពន្ធដោយៈ ផេង វិសុដ្ឋារ៉ាមុនី
No comments:
Post a Comment