កំណាព្យ " បណ្ដាំកូនខ្មែរស្នេហាជាតិ "

កំណាព្យ " បណ្ដាំកូនខ្មែរស្នេហាជាតិ "
ឱ! កូនខ្មែរអ្នកស្នេហាជាតិ
ចូលខំខ្មីឃ្មាតថែរក្សា
ជ្រលងដងអូគិរីបព្វតា
កេរ៍ពីដូនតាបន្សល់នៅ។
វប្បធម៍សាសនានៅមានទុក
ដែលជាទំនុកទុករក្សា
អោយជនរួមជាតិជាខេមរា
ខំប្រឹងរចនាប្រទេសជាតិ។
យើងជាកូនខ្មែរត្រូវសម្ភី
រួបរួមសាមគ្គីជាធ្លុងមួយ
ទើបបានក្តីសុខឥតទុក្ខព្រួយ
ព្រមទាំងលើកស្ទួយប្រទេសជាតិ។
ជាតិសាស្ត្រថ្កុំថ្កើងល្អប្រពៃ
ប្រៀបដូចរស្មីចន្ទាកា
តែងរះបំភ្លឺទ្វិបលោកា
បំបាត់អន្ធកាភពងងឹត។
តែប្រសិនខ្មែរបែកសាមគ្គី
ខ្មែរត្រូវវកវីចលាចល
ជួបនិងទុក្ខភ័យក្តីកង្វល់
រាស្ត្រខ្មែរតែងដល់ក្តីទុក្ខា។
រីឯជនបរទេសឈ្លានពាន
រុរានទន្ទ្រានយកដីខ្មែរ
រាស្ត្រតែងជួបទុក្ខឥតស្រាកល្ហែ
ក្បួនច្បាប់ផងដែត្រូវបាត់បង់។
ដូច្នេះនាមខ្ញុំជាកូនខ្មែរ
ខំប្រឹងគូសកែប្រែអត្ថន័យ
ជាកំណាព្យឃ្លោងយោងសេចក្តី
ដូចញាតិប្រុសស្រីបានដឹងស្រាប់។
ដោយ ហេងអេងហ៊ួរ