—
១. អនុស្សាវរីយ៏រៀមហើយនឹងស្រី
សាសងសម្តីនៅលើភ្នំស្អាង
ស្បថស្បែសច្ចាស្មោះស្នេហ៏យើងសាង
បារមីភ្នំស្អាងជាសាក្សីស្នេហ៏។
២. វិទ្យាល័យស្អាងសាងស្នេហ៏ពីរអ្នក
រៀមនឹងវល៏ក្ខណ៏ស្ម័គ្រភក្តីស្នេ
ដួងកែវជីវិតរៀមផ្ចើលើមាសស្នេហ៏
ជាម្ចាស់ចិត្តស្នេហ៏លើបេះដូងបង។
៣. រសៀលគងភ្នំរៃយំស្រណោះ
ចិត្តរៀមសែនស្មោះតែស្រស់នួនល្អង
លើភ្នំយើងក្រេបរសជាតិស្នេហ៏ផង
រួចយើងបន់ផ្សងបារមីស្អាងភ្នំ។
៤. សូមអោយស្នេហ៏យើងស្នេហ៏មានរស្មី
មានជោគសិរីឧត្តមស្នេហា
គ្មានមាឧបសគ្គរំាងស្ទះឡើយណា
រៀមហើយជីវ៉ាសាងស្នេហ៏អមតះ។
៥. ភ្នំស្អាងឋានស្នេហ៏សុខមនោរម្យ
សម្លេងរៃយំរដូវប្រាំងជាក់
បងហើយនឹងស្រីពីរប្រាណរួមរ័ក្ស
សាងស្នេហ៏ពីរអ្នកកំពូលភ្នំស្អាង
ថ្ងៃពុធទី១១ខែកញ្ញាឆ្នំា២០១៣
និពន្ធដោយ ផេង វិសុដ្ឋារ៉ាមុនី
No comments:
Post a Comment