សីលធម៌យុវតីខ្មែរ
----------------------------------
១. ឱ! អនិច្ចា...ទ្រូងខ្ញុំអាសូរ
ទឹកភ្នែកជន់ហូរ ជ្រែកកាត់ផែនថ្ពាល់
ឃើញច្បាស់និងភ្នែក ឱ!ណ៎ា សីលធម៌
តម្លៃឈាមជ័រ ស្រីត្រូវធ្លាក់ចុះ ។
២. ឱ! យុវតី ខ្មែរអើយភ្ញាក់ឡើង
កុំឡើយចចើង ចិត្តចចើកប្រុស
ត្រូវខិតខំរៀន កុំដើរផ្លូវខុស
ញាតិស្គាល់សាយសុះ នាមអ្នកសិក្សា ។
៣. បណ្តាំដូនតាបានចាផ្តំាទុក
ពាក្យម្តាយឪពុក ក៏ធ្លាប់ប្រាប់រ៉ា
ខ្លួនយើងជាស្រី អាស្រ័យចរិយា
ឬកពារថ្លៃថ្លា មាយាទស្រីខ្មែរ ។
៤. ខ្លួនយើងជាស្រី ចិត្តអោយម៉ឺងម៉ាត់
កិច្ចប្រតិបត្តិ គំនាប់ឪម៉ែ
រក្សាលើកស្ទួយ វប្បធម៌ជាតិខ្មែរ
ក្បួនច្បាប់ច្បាស់ដែរ ស្រាវជ្រាវអោយជាក់ ។
------------------------------------------------------------------
ផេង វិសុដ្ឋារ៉ាមុនី រាជភក្តី
No comments:
Post a Comment