សិក្សាពីរបៀបនិពន្ធកំណាព្យខ្មែរទាំងអស់គ្នា ថ្ងៃណាស្មើគ្នា? (បទ : អក្សរសង្វាស)

សិក្សាពីរបៀបនិពន្ធកំណាព្យខ្មែរទាំងអស់គ្នា

ថ្ងៃណាស្មើគ្នា? (បទ : អក្សរសង្វាស)

អ្នកជាក់ពិតជាសុខសាន្តត្រាណ
ព្រោះរស់ក្នុងឋានភពបវរ
ចុះខុសអ្វីខ្ញុំរស់ត្រដរ
កាយឆ្ងាយភាពល្អក្រភព្វទ្រព្យ ។
អ្នកជាក់ពិតជាមិនស្គាល់ទ័ល
ទុក្ខរុករានរាល់រៀងរាប់ជាប់
ស្គាល់ពាល់តែសុខសោយទ្រព្យគាប់
មិនជិនណាយជាប់គ្មានព្រួយមួយ ។
ពង្សវង្សត្រកូលអ្នកខ្ពស់ហួស
ជីវីអ្នករស់បោះពួយត្រួយ
មានរៀនរុងរេឿងគេជួយស្ទួយ
ពិតឥតស្គាល់ព្រួយនិស្ស័យថ្លៃ ។
ខ្ញុំសុំតែសុខត្រឹមបានស្មាន
សើចខើចខកខានប្រឹងច្នៃដៃ
ដែនផែនដីមួយឆ្ងាយថ្លៃក្រៃ
តើថ្មើរណាថ្ងៃស្មើជាគ្នា ?

និពន្ធដោយ លោក ប៊ុន ពិសី