ខ្សែងហោះត្បិតខ្យល់ឬខ្សែ តែជាតិគងវង្ស ត្បិតយុវជន
---------------------------------------------------
បទ បថ្យាវត្តិ
---------------------------------------
១. ព្រះរាជសម្ភារ ស្តេច ចា ទុកថា
ខ្លែងហោះខ្ពស់រ៉ា ត្បិតអាស្រ័យខ្យល់
កវី វ៉ែនសុន ក៏ថ្លែងយោបល់
ខ្លែងហោះខ្ពស់ដល់ អាស្រ័យខ្សែជួយ ។
២. គំនិតផ្សេងគ្នា អត្ថន័យតែមួយ
បំណងលើកស្ទួយ អក្សរសាស្រ្តខ្មែរ
អោយលូតលាស់ថ្កុំថ្កើងគង់វង្សដែល
នេះគំនិតខ្មែរ គិតឃើញម្យ៉ាងម្នាក់ ។
៣. ចំណែករឿងជាតិ បាត់ឈ្មោះឬធ្លាក់
រស់រានជាក់លាក់ គង់វង្សទៅបាន
អាស្រ័យយុវជន ខ្មែរក្លាហាន
ចេញមុខរុញច្រាន បណ្តេញសត្រូវ ។
៤. សាមគ្គីកម្លំាង ព្រះធម៌ជាផ្លូវ
មូលដ្ឋានតម្រូវ ច្បាប់អន្តរជាតិ
ជាគោលគ្រឹះមំា បង្អែកថែមទៀត
រួមប្រជាជាតិ ខ្មែរឯកភាពគ្នា ។
------------------------------------------
០៨ មិថុនា ២០១៤
ដោយ៖ ផេង វិសុដ្ឋារ៉ាមុនី
No comments:
Post a Comment