ដើម្បីរាជបល្ល័ង្កខ្មែរ ( លោក ផេង វិសុដ្ឋារ៉ាមុនី )

ស្លាប់រស់ស៊ូប្តូរ ជីវិតខ្លួន
ដើម្បីមាំមួន ភាពគង់វង្ស
បល្ល័ង្ករាជ្យក្សត្រា យូលង់
នៅឈរជាទង់ ម្លប់ខេមរា ។

ស្លាប់រស់ស៊ូប្តូរ បង្ហូរឈាម
មិននៅទីនទាម យូឡើយណា៎
ដើម្បីកិត្តិយស ឬទ្ធីចេស្តា
បល្ល័ង្កក្សត្រា ខេមរៈជាតិ ។

នេះជាសច្ចៈ ពីចិន្តា
បេះដូងស្នេហា បល្ល័ង្ករាជ្យ
ផ្សាយជម្រាបជូន សន្តានញាតិ
បងប្អូនរួមជាតិ ពីចិត្តខ្ញុំ ។

១៥ កើត ខែ អស្សុជ ឆ្នាំវក អដ្ឋស័ក ព.ស. ២៥៦០
ជាថ្ងៃព្រះសង្ឃ និមន្តចេញព្រះវស្សា តាមទំនៀមទម្លាប់
ប្រពៃណីព្រះពុទ្ធសាសនាដែលបានប្រារព្ធធ្វើឡើងតាម
ទំនៀមមតក៌បុព្វបុរសដូនតាខ្មែរ ពីបុរាណកាលតមក ។

ថ្ងៃ អាទិត្រ ទី ១៦ ខែ តុលា ឆ្នាំ ២០១៦ 
និពន្ធ ចេញពីបេះដូងដ៏បរិសុទ្ធ និង ដួងចិត្តដ៏ស្អាត
របស់ខ្ញុំព្រះករុណាខ្ញុំបាទ ផេង វិសុដ្ឋារ៉ាមុនី ដែលមាន
ស្វាមីភក្តី ស្មោះស្ម័គ្រភក្តីនិងព្រះបល្ល័ង្ករាជ្យអង្គក្សត្រា
ខេមរៈជន នៃយើង ស្មើនិងអាយុជីវិតខ្ញុំទាំងមូល ។