កំណាព្យ « ប្រពន្ធតែមួយ » ផេង វិសុដ្ឋារ៉ាមុនី

ប្រពន្ធតែមួយ ត្រួយជីវិត
គឺជាជំនិត ថ្នាំបេះដូង
ចាប់ពីផ្តើមស្នេហ៍ គ្រាដំបូង
ជាថ្នាំបេះដូង ព្យាបាលប្តី ។

ប្រពន្ធតែមួយ ត្រួយផ្កាស្នេហ៍
រួមសុខទុក្ខដែល លើករាសី
យល់ទុក្ខធុរៈ ភារៈកិច្ចប្តី
នៅជិតស្វាមី គ្រប់ៗគ្រា ។
ស្វាមីទាំងឡាយ គ្រប់ៗប្រាណ
ចិត្តស្មោះកល្យាណ ភរិយា
កុំបីលួចលាក់ ស្រីពុំងា
ក្បត់ភរិយា ត្រួយស្នេហ៍យើង ។
ត្រូវតែយកចិត្ត ភរិយា
មកដាក់គ្រប់គ្រា បេះដូងយើង
នោះទើបយើងដឹង ទឹកឬភ្លើង
នៅពេលដែលយើង ក្បត់ប្រពន្ធ ។
៦ រោច ខែ ភទ្របុទ្រ ២៥៦០ / ២២ កញ្ញា ២០១៦
ដោយ : លោក ផេង វិសុដ្ឋារ៉ាមុនី
ផ្សាយចេញពី : ភូមិស្វាយជួរ ព្រែកចិន ឃុំកោះខែល
ស្រុកស្អាង ខេត្តកណ្តាល ព្រះរាជាណាចក្រកម្ពុជា