អត្ថបទខ្លី 《 ខ្មែរពូជអ្នកច្នៃប្រឌិត 》 និពន្ធដោយ : លោក ផេង វិសុដ្ឋារ៉ាមុនី

ពិធីបុណ្យភ្ជុំបិណ្ឌ គឺជាពីធីទំនៀមទម្លាប់
ភ្ជាប់រវាងពិធីកម្មក្នុងព្រះពុទ្ធសាសនា ផ្សាភ្ជាប់
ជាមួយនិងទំនៀមទម្លាប់ប្រពៃណីវប្បធម៌ខ្មែរ
ផង ដូនតាបុព្វបុរសខ្មែរ បានផ្សំបញ្ចូលគ្នា
រវាងពុទ្ធសាសនា និង វប្បធម៌ជាតិ បង្កើតបាន
ជាវប្បធម៌ខ្មែរថ្មីទំនើបចម្រុះ ១ ដោយប្រកាន់
ភ្ជាប់នូវក្រមសីលធម៌ និង ទស្សនៈកម្មផល
នោះគឺ " ទំនៀមពិធីបុណ្យកាន់បិណ្ឌ និង ភ្ជុំបិណ្ឌ " ។ ពិធីនេះដូនតាខ្មែរបង្កើតឡើង
ដោយចង់ឲ្យកូនខ្មែរប្រកាន់បាននូវ៖
- វប្បធម៌ភាពជាអ្នកដឹកនាំបន្តវេនគ្នា
- វប្បធម៌ចេះចែករំលែកគ្នារស់
-វប្បធម៌ជួបជុំ ជួបប្រជុំគ្នាពិភាក្សា ប្តូរយោបល់
គ្នារវាងសមាជិកសាច់ញាតិសន្តាន បងប្អូន
សាច់ឈាម មិត្តភក្តិ អ្នកជិតខាង ។ល។
-វប្បធម៌សាមគ្គីភាព ផ្សះផ្សា និង ឯកភាពគ្នា
-វប្បធម៌រួមគ្នាធ្វើការជាក្រុម
-វប្បធម៌គំរូល្អតជំនាន់ឲ្យកូនចៅជំនាន់ក្រោយ
បានដឹង បានចងចាំ និងរួមគ្នាធ្វើបន្តទៀត
-វប្បធម៌នឹករំលឹកគុណជីដូនជីតា បុព្វការីជន
ខ្មែរដែលបែកកាយរំលាយក្ខ័ន្ធទៅបរលោកខាងមុខ និង រំលឹកគុណ តបស្នងសងគុណអ្នក
មានគុណ ដែលនៅរស់រានមានជីវិតសព្វថ្ងៃ ។