« ភាពខុសគ្នានៃការបង្ហោះរូបស្រីស្អាត និង បង្ហោះទាក់ទងសង្គម » ផេង វិសុដ្ឋារ៉ាមុនី

បង្ហោះរូបស្រីស្អាត ស្ទើរមិនទាន់
នាំគ្នា Like លាន់ ស្ទើររាប់មិនឈ្នះ
តែមួយភ្លែតសោះ ចំនួនអស់ស្ទះ
Like រាប់មិនឈ្នះ ព្រោះឃើញស្រីស្រស់ ។

តែបើបង្ហោះ ទាក់ទងស្រុកទេស
កំណាព្យឧបទេស អក្សរសាស្រ្តខ្មែរ
សង្គម វប្បធម៌ សាសនាផងដែរ
មិនដែលឃើញខ្មែរ នាំគ្នា Like សោះ ។
ឱ!បើយ៉ាងនេះ ខ្មែរអើយយ៉ាងណា៎
ឱ!ជាតិខេមរា គួរឲ្យស្រណោះ
ព្រោះតែកូនខ្មែរ មិនអើពើសោះ
បែជាបង់បោះ មិនខ្វល់សង្គម ។
១០ រោច ខែ ភទ្របុត្រ ឆ្នាំវក អដ្ឋស័ក ព.ស. ២៥៦០
ថ្ងៃ ច័ន្ទ ទី ២៦ ខែ កញ្ញា ឆ្នាំ ២០១៦
និពន្ធដោយ : លោក ផេង វិសុដ្ឋារ៉ាមុនី
ផ្ចើជូនជនរួមជាតិខ្មែរ - ខ្មែរកម្ពុជាក្រោមទាំងអស់គ្នា
ផ្សាយចេញពី ភូមិស្វាយជួរ ឃុំកោះខែល ស្រុកស្អាង