--------------------------------------
១. ធម្មជាតិជាអ្នកជាតិនិយម
ទោះទុក្ខប៉ុនភ្នំ ក៏ឥតរុញរា
នៅតែតស៊ូ ខំពុះពារ
ជីវិតបូជា ជូនជាតិខ្មែរ ។
២. ទោះលុយវាល់លានទិញទឹកចិត្ត
បុណ្យសក្តិខ្ពស់ក្រឹត្យ មិនព្រមដែរ
គំរាម សម្លុត ចាប់ចងខ្សែ
ក៏នៅមិនប្រែ លក់ឧត្តមគតិ ។
៣. ដើម្បីជាតិរស់ ឈ្មោះខ្មែរនៅ
ក្តីសុខជ្រាលជ្រៅ ជូនប្រជា
និតិរដ្ឋជូនកម្ពុជា
លិទ្ធិប្រជាធិបតេយ្យពិត ។
៤. ស្លាប់ខ្លួន-ជាប់គុក-និរទេសស្រុក
រស់មិនស្រណុក ទំាងភ័យភិត
ជារឿងធម្មតានៃជីវិត
ជាធម្មជាតិពិត អ្នកជាតិនិយម ។
៥. តួយ៉ាង ទ្រង់ស៊ីសុវត្ថិយុត្តិវង្ស
អៀវកើស តពង្សជាតិនិយម
ឃ្លំាងមឿង សឺនគុយ ប្រាជ្ញខៀវជុំ
ប៉ាងខាត់ ប្រាជ្ញធំ និង ហែមចៀវ ។
៦. ពិស្នុឈូក - ក្រឡាហោម គង់
អ្នកជាតិ តពង្សលះជីវិត
អ្នកស្នេហាជាតិ គ្រោះជុំជិត
មច្ចុរាជកៀកកិត ចំាជានិច្ច ។
------------------------------------------------
រាជធានី ភ្នំពេញ ១៦ មករា ២០១៥
និពន្ធដោយ៖ ផេង សុខវ៉ាន់ដា
No comments:
Post a Comment