“មរតកធនធានធម្មជាតិ២៤ខេត្តរាជធានី!”

“មរតកធនធានធម្មជាតិ២៤ខេត្តរាជធានី!”

(បទពាក្យ ៨ បែបចម្រៀង)

១.   សាសន៏ណាមិនល្បីថានៅស្រុកខ្មែរ                           

 ក្រុងចម្ការស្រែម្ភៃបួនខេត្តក្រុង

​       ជាដែនសុវណ្ណភូមិខ្មែរទំាងស្រុង                ​             

    ខ្មែរនៅក្រៅក្នុងមោទនះភាពជាតិ។

២.   កម្ពុជាដែនដីសុវណ្ណភូមិ                                       

    ខេត្តស្រុកភូមិឃុំសម្បត្តិច្រើនទៀត

       ប៉ៃលិនសំបូរកែវត្បូងព្រោងព្រាត     ​​​​​​​​                       

   ព្រៃឈើច្រើនទៀតពេញកម្ពុជា។

៣.  កំពង់សោម.ព្រះសីហនុខេត្ត                                   

   បច្ចុប្បន្នល្អឯកស្រស់មហិមា

      នៅក្នុងសមុទ្រសុទ្ធប្រេងកាតហៀ                            

   តើកម្ពុជាជាតិក្រដល់ណា?។

៤.  កោះកុងកោងកាងច្រើនឈើលិចទឹក​                              

 ពោធិសាត់សន្ធឹកថ្លើមថ្មថ្លៃថ្លា

     បាត់ដំបងខេត្តខ្មែរចិញ្ចឹមខេមរា​                                  

   ដែនដីអស្ចារ្យខាងផលិតស្រូវ។

៥.  បន្ទាយមានជ័យមានបន្ទាយឆ្មា                                   

   ចម្លាក់រចនាក្បូក្បាច់ពេកកូវ

     ឧត្តរមានជ័យប្រាសាទល្អឯក                                       

 តាមាន់ធំស្រែកប្រាប់ពេញលោកា។

៦. ទឹកដីខ្មែរខេត្តដែនព្រះវិហារ                                        

 ទឹកដីសួគ៌ាសម្បតិ្តខេមរា

     ប្រាង្គព្រះវិហារល្បីពេញទ្វីបា                                       

    ទូទំាងលោកាស្ងប់ស្ងែងម្លេះណា!។

៧. សៀមរាបអង្គរព្រលឹងកូនខ្មែរ                                        

ទឹកដីដំណែលប្រាសាទសិលា

    ចំណូលទេសចរណ៏ចិញ្ចឹមខេមរា                                  

   ខ្មែរបានដោយសាមរតក៌ដូនតា។

៨.​ កំពង់ធំប្រាសាទសំបូរព្រៃគុក                      ​                  

 ព្រៃឡង់ខ្មែរទុកសម្បត្តិខេមរា

    មានទំាងផូស្វាត,ស្ពាន់មាសពេជ្រថ្លា                               

  ភ្នំសន្ទុករ៉ាគុហារនគរ។

 ៩.   ខេត្តកំពង់ឆ្នំាងទឹកដីទន្លេសាប​                                   

    ត្រីច្រើនដរាប ជះខ្យល់ជំនោរ

       មានភ្នំកង្រីប្រវត្តិលេចធ្លោ                                         

    ដែនដីជំហរផលិតស្មូនឆ្នំាង។

១០.  កំពង់ស្ពឺវាលស្រែដំណែលដើមត្នោត                      

 មានច្រើនលានកោដិត្នោតមោទនះខ្លំាង

​        ភ្នំស្រួច,ឱរ៉ាល់ទេសចរណ៏ណែនក្តំាង                     

  វស្សាស្រែស្រំាងស្រូវមានច្រើនស្រុក។

១១.   កំពតភ្នំបូកគោ វិមានសួគ៌                                   

 ទីឋានសុខស្រួលរមណីយក្តីសុខ

        ភ្នំកំពង់ត្រាចទេសចរ សម្រុក                          

   ដែនដីស្រណុកទេសចរធម្មជាតិ។

១២.   ក្រុងកែបឆ្នេរកែបស្រស់ស្អាតបំផុត                 

        ជ្រោយច្រំាងសមុទ្រខ្នាតអន្តរជាតិ

         មានសត្វសមុទ្ររ៉ែប្រេងថែមទៀត                    

ទេសចរណ៏ប្រជ្រៀតកំសាន្តរ៉ាប់លាន។

១៣.   កំពង់ចាមដីចម្ការកៅស៊ូ                                 

    រមណីយគំរូប្រាសាទក៏មាន

        ភ្នំប្រុសភ្នំស្រីទីឋានទាក់ទាញ                              

 ភ្នំហាន់ជ័យមាននគរបាជ័យ។

១៤. ព្រះធាតុទឹកឆាជ្រោយចេក-ទឹកធ្លាក់                      

  រមណីយត្រជាក់ប្រាសាទជើងព្រៃ

      ដែនដីក្រហមជីជាតិប្រពៃ                              

      ព្រៃឈើសត្វព្រៃក៏មានច្រើនដែរ។

១៥.  ក្រចេះទន្លេមេគង្គសត្វផ្សោត                       

        សកលលោកកោតដែនដីស្រុកខ្មែរ

​         ធនធានធម្មជាតិមានច្រើនក្រាស់ក្រែល              

  បឹងបួរស្រុកស្រែស្រស់លើសស្រុកគេ!។

១៦. ស្ទឹងត្រែងល្បាក់ខោនរមណីយទេសចរ             

    កោះខ្សាច់បវរសែនល្អម្ល៉េះទេ

        រ៉ែមាសរ៉ែស្ពាន់មានច្រើនម្លេះទេ                          

ស្ទឹងត្រែងស្ទឹងមេជាប់ព្រំដែនឡាវ។

១៧.  រតនគិរីដែនបឹងយក្ខឡោម                             

   ទេសចរ ចូលចោមដួងចិត្តស្រួចស្រាវ

         ម្រឹគីម្រឹគាស្លូត កាច​ សាហាវ                           

  មានពាសពេញព្រៃរតនគិរី។

 ១៨. ខេត្តមណ្ឌលគិរីប្រជុំព្រៃ                                   

     មរតក៌ប្រពៃសែនស្រស់សោភី

       ដែនដីក្រហមមានទំាងជាតិជី                                 

 ខ្មែរគ្រប់ទិសទីរស់សែនមោទនះ។

១៩. បច្ចុប្បន្ននេះខេត្តមណ្ឌលគិរី                                

   ក្រុមអូស្រ្តាលីរកឃើញមាសប្រាក់

        ស្រុកកែវសីមា មាសច្រើនគ្រឹកគ្រាក់                  

         ភ្នំមាសភ្នំប្រាក់ មានច្រើនម្លេះណា!។

២០. ខេត្តមណ្ឌលគិរី មានភ្នំមាស                                

  ជាង ៨ លាន ១ សែនតោន រ៉ា

        អាចច្រើនជាងគេនៅក្នុងលោកា                         

    មាសមហាសាលក្នុងដែនលោកិយ។

២១. ខេត្តកណ្តាលសម្រស់ធម្មជាតិ                             

     រមណីយច្រើនទៀតសុទ្ធតែល្បាញល្បី

​        ភ្នំព្រះរាជទ្រព្យ ព្រះនរបតី                                 

  ភ្នំប្រសិទ្ធក្តីរួមនឹងភ្នំស្អាង ។

២២. មានភ្នំធនមន្តប្រាសាទភ្នំរាប                            

       កណ្តាលជ្រួតជ្រាបសែនមានសំណាង

        ទន្លេសាប បាសាក់ មេគង្គអាង                           

  សម្បត្តិច្រើនយ៉ាងមរតក៌កេរខ្មែរ។

២៣. ខេត្តព្រៃវែងបាភ្នំដែនដីចាស់                                 

   រឿងប្រវត្តិសាស្រ្តបានបញ្ជាក់ដែរ

​        ត្បូង ស្ពាន់ មាស ប្រាក់ និងធនធានរ៉ែ                      

 ទំាងព្រៃផងដែរក៏នូវមានច្រើន។

២៤. នៅខេត្តតាកែវមានភ្នំជីសូរ                                     

     ដែនដីសំបូរប្រាសាទច្រើន

        ភ្នំដា បាយ៉ង់ ភ្នំតាម៉ៅកើន                                        

ទេសចរ ចំរើនកើនឡើងភ្លាម។

២៥. មានទន្លេបាទី សំរោងយ៉ោង                                    

 មានទំាងព្រៃស្រោងនិងព្រៃរនាម

​       បា្រសាទនាងខ្មៅជប់ពលរាម                                   

  កូនខ្មែររួមឈាមគួរគប្បីដឹង។

២៦. ឯខេត្តស្វាយរៀងដែនដីស្រុកស្រែ                          

   ​​សម្បត្តិច្រើនដែរទំាងទន្លេបឹង

        ទេសចរ អន្តរជាតិបានសម្លឹង                                  

 ថ្ងៃមុខខេត្តហ្នឹង រាស្រ្តខ្មែរសប្បាយ។

 ២៧. បឹងទន្លេសាបទីបណ្តុំត្រី                                  

  ច្រើនក្នុងលោកិយជាងសាសន៏ទំាងឡាយ

       ព្រៃព័ទ្ធជុំវិញខ្មែរសែនស្រស់ស្រាយ                       

    មានបាំ្រខេត្តផ្លាយដោយព្រៃលិចទឹក។

២៨. កំណប់ប្រេងកាតក៏មានក្នុងបឹង                                     

  មានច្រើនម្លឹងៗយ៉ាងច្រើនសន្ធឹក

      សម្បត្តិធម្មជាតិលើគោកក្នុងទឹក                              

   ផ្ទៃដីសំណឹកសំនើមស្រុកស្រែ។

៣០. ភ្នំពេញប្រជុំគ្រប់បុត្រខេមរា                                      

    មិនថាខេត្តណាអោយតែជាខ្មែរ

        បណ្តុំចំណេះបណ្តុះកូនខ្មែរ                                        

 មរតក៌ច្រើនដែរសុទ្ធមានតម្លៃ។

៣១. ចតុមុខគង្គាល្អគ្មានពីរ                      ​​​                    

   ខ្មែរគ្រប់ទិសទីសែនមាននិស្ស័យ

        កើតជាកូនខ្មែរមានមោទនះក្រៃ                                     

ជីវិតថ្លាថ្លៃគ្រប់រាស្រ្តខេមរា។

៣២. អត្ថបទកំណាព្យសូមបញ្ចប់ខ្លី                                    

ខុសត្រូវម្តេចក្តីសូមញាតិមេត្តា

        ព្រោះអីខ្ញុំបាទនូវខ្ចីប្រាជ្ញា                                        

 សូមញាតិខេមរាជួយកែស្ថាបនា។

==========================

 ចាប់ផ្តើមនិពន្ធនៅរាជធានីភ្នំពេញថ្ងៃ ពុធ ទី ២៧ ខែ មិនា ឆ្នំា​២០១៣

និពន្ធបញ្ចប់នៅរាជធានីភ្នំពេញ, ថ្ងៃ ច័ន្ទ ទី ២៥ ខែ សីហា ឆ្នំា ២០១៤
ដោយនិស្សិត៖ ផេង សុខវ៉ាន់ដា
អតីតនិស្សិតសមាគមអ្នកនិពន្ធខ្មែរ ជំនាន់ទី២៩ 
និស្សិតបរិញ្ញាប័ត្រ សង្គមវិទ្យា នៃពុទ្ធិកសាកលវិទ្យាល័យព្រះសីហនុរាជ ភ្នំពេញ
ទំនាក់ទំនងមកអ្នកនិពន្ធផ្ទាល់តាមរយៈ អាស័យដ្ឋាន ៖
០១០ ៤៩២ ៤៣៧ និង ០១៧ ៥២ ៨៦ ៥២ 
Email : Visotharamuny@gmail.com