កំណាព្យ « ភ័ក្រស្រី សថ្លោស » ផេង វិសុដ្ឋារ៉ាមុនី

ភ័ក្រស្រី សថ្លោស ពេញក្រពុំ
មូលដូចមួយជុំ ព្រះច័ន្ទថ្លា 
គន់ភ្លាមរៀមចាប់ចិត្តស្នេហា
ចាក់ដោតឱរ៉ា សែនស្រលាញ់ ។

បបូរមាត់ធំ ញញឹមស្រស់
ពៅល្អឥតខ្ចោះ គួរឲ្យក្នាញ់
ថ្ពាល់ពេញរលោង ដូចលាបខ្លាញ់
បេះដូងរៀមចាញ់ ស្នេហ៍ស្រីហើយ ។

បើស្រស់ម្លឹងៗ រៀមសូមសួរ
ពាក្យគួរមិនគួរ សុំត្រាណត្រើយ
មេត្តាប្រណី ផ្តល់ចម្លើយ 
រៀមសុំរួមខ្នើយ ជាមួយស្រី ។ ហិហិ

ថ្ងៃ សៅរ៍ ១២ រោច ខែ បុស្ស ឆ្នាំរការ នព្វស័ក 
ព.ស. ២៥៦១ ( ថ្ងៃទី ១៣ ខែ មករា គ.ស. ២០១៨ )

ផេង វិសុដ្ឋារ៉ាមុនី រាជភក្តី