និស្ស័យនាំជួបស្រស់កែវពុំងារ

និស្ស័យនាំជួបស្រស់កែវពុំងារ
------------------------------------
លង់ស្នេហ៍លង់ចិត្តលើវរមិត្តថ្លៃ
ហេតុតែនិស្ស័យ នាំស្រីស្គាល់បង
ស្គាល់ភ្លាមជំពាក់ចិត្តស្រស់នួនល្អង
ព្រលឹងស្នេហ៍ស្នង ពន្លកស្នេហ៍ថ្មី ។

ឱ! ខេត្តសៀមរាប ប្រៀបឋានសុបិន
រៀមស្គាល់មាសឆ្អិន ដោយខ្សែនិស្ស័យ
បុណ្យយើងបុព្វេ ទឹកដោះម្តាយថ្លៃ
បានជានិស្ស័យ នាំយើងជួបគ្នា ។
រៀមសូមបញ្ជាក់ ដល់វរល័ក្ខណ៍ស្រី
បងកម្លោះថ្មី បេះដូងល្អជា
ដួងចិត្តបរិសុទ្ធ ណា៎កែវពុំងា
ស្មារតីជាតិជាខ្មែរ ស្នេហ៍ក្សត្រា ។
======================
១៤ មករា ២០១៦
ផេង វិសុដ្ឋារ៉ាមុនី រាជភក្តី