ខេត្តកណ្តាល / Kandal Province

ខេត្តកណ្តាល / Kandal Province

-------------------------------------

ខេត្តកណ្តាលស្ថិតនៅប៉ែកអាគ្នេយ៍ប្រទេស ព័ទ្ធជុំវិញរាជធានីភ្នំពេញ។ ជាខេត្តទី៣ខាងវិស័យសេដ្ឋកិច្ចនៃប្រទេស និងជាខេត្តមានដង់ស៊ីតេប្រជាជនខ្ពស់ជាងខេត្តដទៃទៀតនៃប្រទេស។ ដង់ស៊ីតេប្រជាជនខេត្តកណ្តាលមាន ៣៥៥នាក់ ក្នុងមួយគីឡូម៉ែត្រក្រឡា។ ខេត្តនេះមានទន្លេ២ ហូរឆ្លងកាត់គឺ  ទន្លេមេគង្គ និង ទន្លេបាសាក់ ។  ទន្លេទាំងពីរនេះ បានផ្តល់ដីល្បាប់រៀងរាល់ឆ្នាំតាមបាតុភូតធម្មជាតិ ទឹកឡើង ទឹកស្រក អនុញ្ញាតឲ្យមានដំណាំច្រើនមុខខុសៗគ្នា។ នៅស្រុកស្អាង និងស្រុកកោះធំ ដោយសារមានព្រែកបង្ហូរទឹកពីទន្លេបាសាក់ និងមានដីល្បាប់យ៉ាងច្រើននោះ អ្នកស្រុកអាចធ្វើ ពហុវប្បកម្ម  (Polyculture) គឺលើដីមួយកន្លែង គេអាចធ្វើដំណាំច្រើនប្រភេទ៖  សណ្តែកដី  អំពៅ ត្រឡាច ត្រសក់ ឃ្លោក និងស្រូវ។  នៅកោះដាច់ (អតីតទឹកដីខេត្តកណ្តាល) មានសិប្បកម្មតម្បាញសូត្រ ។  ខេត្តកណ្តាលកំពុងដើរតួជាខ្សែក្រវាត់សេដ្ឋកិច្ចនៃរាជធានីភ្នំពេញ។  ខេត្តនេះមានរោងចក្រកាត់ដេរដែលផ្តល់ការងារដល់កម្មករ-កម្មការិនី ជាង៥សែននាក់។ ដកស្រង់ពីសៀវភៅ ភូមិវិទ្យាប្រទេសខ្មែរ និពន្ធដោយលោក សាគូ សាម៉ុត។

ដើម្បីអានអត្ថបទទាំងមូល សូមចុច៖http://www.tourismcambodia.com/travelguides/provinces/kandal/economy.htm