លង់ស្នេហ៍បន្ទាយស្រី
-----------------------------
រៃយំល្វើយៗ ឆ្លើយចុងព្រឹក្សា
រន្ធត់ឱរ៉ា សោតាបានលឺ
ក្បូរក្បាច់ប្រាសាទ ស្អាតល្បីរន្ធឺ
បេះដូងព្រួចព្រឺ នឹកអតីកាល ។
រន្ធត់ឱរ៉ា សោតាបានលឺ
ក្បូរក្បាច់ប្រាសាទ ស្អាតល្បីរន្ធឺ
បេះដូងព្រួចព្រឺ នឹកអតីកាល ។
សម្លេងពិណពាទ្យ សៀតចាក់អារម្មណ៍
ពិរោះរណ្តំ រងំព្រឺក្បាល
ម្លប់ឈើត្រឈៃ ព្រៃស្រស់ត្រកាល
សម្ផស្សគ្របក្រាល សួគាលោកិយ ។
ពិរោះរណ្តំ រងំព្រឺក្បាល
ម្លប់ឈើត្រឈៃ ព្រៃស្រស់ត្រកាល
សម្ផស្សគ្របក្រាល សួគាលោកិយ ។
បើសិនកើតទាន់ ជំនាន់សាងសង់
ម្ល៉េះសមតួអង្គ ស្អាតខ្ញង់ឥតបី
ឱ!ប្រាង្គប្រណិត ខាបចិត្តកវី
លង់ស្នេហ៍ទឹកដី បន្ទាយស្រីហើយ ៕
ម្ល៉េះសមតួអង្គ ស្អាតខ្ញង់ឥតបី
ឱ!ប្រាង្គប្រណិត ខាបចិត្តកវី
លង់ស្នេហ៍ទឹកដី បន្ទាយស្រីហើយ ៕
និពន្ធដោយ លោក ប៊ុន ពិសី
No comments:
Post a Comment