កម្រងពាក្យកំណាព្យលែបខាយស្នេហា ប្រចំាខែ ឧសភា ២០១៦ « ផេង វិសុដ្ឋារ៉ាមុនី »

ដងខ្លួនស្រឡូន សម្លាប់ចិត្តរៀម
គ្រាន់តែឃើញភ្លាម រៀមគួចចិត្តភ្លែត
សម្រស់ឆោមឆាយ កវីទាក់ភ្នែក
ឃើញភ្លាមចិត្តត្រេក ត្រអាលនឹងស្រី ។

សម្ជស្សស្រស់ស្រី ដូចទេពធីតា
សមនឹងរៀមរ៉ា ទេវបុត្រកវី
ប្រសិនស្រីព្រម រៀមនឹងថ្នមបី
 ប្រលោមស្នេហ៍ស្រី មិនឲ្យឃ្នើសចិត្ត ។
============================
 អាវក្រហមឆេះ សមនឹងភក្ត្រា 
រង្វង់មុខថ្លា ផូរផង់ម្លេះទេ 
ឃើញភ្លាមរៀមគួចចិត្តលើមាសមេ 
តើស្រីព្រមទេ បើរៀមសុំស្នេហ៍ ។ 

វ៉ែនតា ជំនួយជួយលើកសម្រស់ 
កាន់តែស្អាតស្រស់ ស្រីបញ្ញាវន្តខ្មែរ 
បើស្រីព្រមស្ម័គ្រ រៀមសន្យាថែ 
រក្សាចិត្តស្នេហ៍ ស្មោះតែស្រីមួយ ។ 

ចូលស្តីពាលពៅ ដល់មេបាស្រី 
កែវកុំព្រួយអី រៀមនឹងលើកស្ទួយ 
បំពេញកិត្តិយស គ្រួសារស្រី ១ 
សុំស្រីកុំព្រួយ ជឿចិត្តរៀមចុ៎ះ
========================
ដើមទ្រូងធំថ្លោសបបោសមិនណាយ 
ថ្ពាល់ពេញ ឆោមឆាយកាយឲ្យល្វត់ល្វន់ 
សម្រស់ ទាក់ភ្នែក មើលយូល្អគន់ 
ប្រៀបដូចទឹកមន្ត ប្រោះព្រំចិត្តព្រាន   ។

 បបូរមាត់ក្រហមឆេះម្លេះទេ
 ក្តោងស្រួចរាងរេ ដូចទិព្វវិមាន 
សម្រស់ស្រី ឆ្ងាញ់ដូចនំពេលឃ្លាន 
កវីអឹមអៀន ព្រោះលង់ស្នេហ៍ស្រី ។
===========================
ភក្រ្តា ខ្ចីញ៉េញ ធ្មេញរាបស្មើ 
ស្អាតណាស់ទេតើ បើគន់យូ 
ដងខ្លួនស្រស់ បីដូចគំនូរ 
វិចិត្រករ គូរ គំនូរស្រី ។ 

កាព្យនេះរៀមតែង ថ្លែងសួរចិត្ត 
សុំកែវវរមិត្ត តបសំដី 
ថារៀមសុំស្នេហ៍ណា៎ស្រស់ស្រី 
សុំស្រស់ពិសី ស្រដីឆ្លង ។ 

បើស្រីព្រមស្មេហ៍ ម៉ែចូលទៅ 
ដណ្តឹងពាលពៅ គូ រៀមបង 
មាមីងដឹងលឺ សន្តានផង 
រៀមនឹងស្នេហ៍ស្នង គូស្នេហ៍ពិត ។
========================
ថ្ពាល់ពេញក្រពុំ រលោងថ្លោសថ្លា
វង់ភ័ក្រជីវ៉ា ស្រីសែនល្អឯក
បបូរមាត់ក្រហមឆេះស្រស់ប្លែក
ល្អអើយល្អឯក នៃសម្រស់ស្រី ។

គ្រាន់ស្រី Post ភ្លាម ឲ្យរៀមលង់ស្នេហ៍
ប្រសិននៅក្បែរ ញ៉ែឲ្យណា៎ណី
បើញ៉ែមិនបាន មិនធ្វើកវី
ញ៉ែឲ្យណា៎ណី ឲ្យស្រីក្រហមមុខ ។
==========================
សម្ជស្សផូរផង់ សម្រស់ស្រី
ឃើញភ្លាមកវី ស្លុតចិន្តា
ចង់ស្ទុះប្រលោម ប្រឡែងរ៉ា
លេងល្បែងស្នេហា និងរូបស្រី ។

ថ្ពាល់ពេញក្រពុំ ប្រហើរក្លិន
កែវភ្នែកមាសឆ្អិន ដូចនិលច្នៃ
រៀមគេងសុបិន រួមភិសម័យ
និងកែវចរណៃ ណា៎ជីវ៉ា ។

កំណាព្យរៀមថ្លែង តែងផ្ទាល់ដៃ
សូមស្នេហ៍ស្រីថ្លៃ កុំសង្ការ
បើស្រីព្រម ចូលដល់មេបា
កាព្យនេះផ្កាស្លា ទុកច្រៀងចងដៃ ។
=========================
កែវភ្នែកស្រទន់មានមន្តម្ល៉េះណា៎!
សម្រស់ជីវ៉ាប្រៀបផ្កាសួគ៌ា
គ្រាន់តែឃើញភ្លាម រៀមស្លុតទ័យា
បុរសគ្រប់គ្នាទាមទារចង់ក្បែរ      ។

ស្រីសើចសែនស្រស់ សម្ជស្សសែនសម
ទន់ភ្លន់ហួនហំចំជាស្រីខ្មែរ
ភក្ត្រាប៉ប្រឹមញញឹមមានស្នេហ៍
ប្រៀបបានដួងខែថែផ្ទៃវេហាស៌     ។

💝អាភ័ណ្ឌ មាសស្ងួន !ឆ្លើយឆ្លងមកស្រី
កុំស្ងៀមធ្វើហីប្រណីរៀមរ៉ា
អាណិតកម្លោះ ម្នាក់នេះផងណា
តាមសូមស្នេហា អាភ័ណ្ឌផ្កាសួគ៌     ។
===========================
គន់ភ្លាមរៀមលង់ ដងខ្លួនស្រី
ចង់ស្ទុះទៅបី លើកត្រកង
ស្រូបស្រង់ក្លិនស្នេហ៍ កែវនួនល្អង
រៀមបីត្រកង ប្រលោមស្នេហ៍ ។

ដងខ្លួនស្រឡូន ស្រលាញ់លង់
ចង្កេះជង្គង់ ល្មមអង្អែល
បើបានមករៀម សន្យាថែ
ប្រលោមមាសស្នេហ៍ ឲ្យណា៎ណី ។
==========================

ផេង វិសុដ្ឋារ៉ាមុនី