រៀមនេះពិតជា នៅកម្លោះ « ផេង វិសុដ្ឋារ៉ាមុនី »

រៀមនេះពិតជា នៅកម្លោះ
មានទាំងចិត្តស្មោះ បរិសុទ្ធ
បេះដូងដែក ភក្តីបំផុត
ហើយជាកុលបុត្រ ខ្មែរអង្គរ ។

ឲ្យតែស្រីព្រម ថាស្មេហា
បើកផ្លូវរៀមរ៉ា ទទួលស្នេហ៍
នឹងឲ្យចាស់ទុំ ចូលដល់ម៉ែ
ខាន់ស្លាផ្កាស្នេហ៍ ដល់ដៃស្រី ។

ជឿចុះណា៎ពៅ ព្រលឹងបង
កុំព្រួយស្នេហ៍ស្នង ខ្លាចអត់ប្តី
រៀមពិតកម្លោះ ស្មោះភក្តី
សន្យាស្នេហ៍ស្រី លុះថ្ងៃក្ស័យ ។

រៀមលួចស្រលាញ់ ក្នាញ់រូបស្រី
គួចចិត្តបេតី ច្រើនខែថ្ងៃ
ហ្វេសប៊ុក ជាភ័ព្ទភ្ជាប់និស្ស័យ
រៀមនឹងចរណៃ ឲ្យស្គាល់គ្នា ។
========================
១៣ កើត ខែ ពិសាខ ឆ្នាំ វក ព.ស. ២៥៦០
 វេលាម៉ោង ១០ : ១៣ នាទីព្រឹក
 ផេង វិសុដ្ឋារ៉ាមុនី