Thursday, May 26, 2016
កំណាព្យ ៖ កុំជឿប្រុសស្បថ « ផេង វិសុដ្ឋារ៉ាមុនី »
ប្រសិនការពិត ដូចចាស់លោកថា
កុំជឿប្រុសរ៉ា សច្ចាបំពាន
ចង់បានប្រាណស្រី ធ្វើអ្វីក៏ហ៊ាន
អស់លុយវាល់លាន ក៏ប្រុសមិនថា ។
ទឹកហូរមិនហត់ ប្រុសស្បថបំពាន
ពេលដែលប្រុសឃ្លាន ប្រាណកែវជីវ៉ា
សំដីក៏ផ្អែម លួងកនិដ្ឋា
ដើម្បីតណ្ហា ស្នេហាកាមគុណ ។
សូមអស់ស្រីៗ ចាំទុកចុះថា
ប្រុសឃ្លានតណ្ហា សំដីជាទុន
កុំជឿប្រុសស្បថ ប្រយ័ត្នស៊យស៊ុន
ផុងខ្លួនប្រាណមុន ពេលចូលរោងការ ។
Subscribe to:
Post Comments (Atom)
No comments:
Post a Comment