ខាន់ស្លាផ្កាស្នេហ៍ / កូលាបផ្កាគ្រោះ « ផេង វិសុដ្ឋារ៉ាមុនី »

ខាន់ស្លាផ្កាស្នេហ៍ / កូលាបផ្កាគ្រោះ
-----------------------------------------
I. ខាន់ស្លាផ្កាស្នេហ៍ តម្លៃគ្រួសារ
កិត្តិយសមេបា មហាធំធេង
កូលាបផ្កាល្បែង ប្រឡែងលេង
ផ្កានាំវង្វេង នឹងជ្រោះទឹកភ្នែក ។
II. កូលាប ជាផ្កា នាំស្រីអ័ព្ទយស
កូលាបផ្កាគ្រោះ ជ្រោះជ្រៅសង្វេគ
ជាផ្កានាំផល ពេលបុរសត្រេក
នាំទុក្ខទឹកភ្នែក ឲ្យស្រីហែលឆ្លង ។
III. ខាន់ស្លាផ្កាស្នេហ៍ ស្មោះមួយជីវិត
ជាផ្កាស្នេហ៍ពិត រឹងរឹតចំណង
ស្វាមី-ភរិយា រីកស្រស់កន្លង
ស្នេហាអូនបង លុះក្ស័យរៀងខ្លួន ។
======================
២៥ ឧសភា ២០១៦
និពន្ធដោយ ផេង វិសុដ្ឋារ៉ាមុនី