< វិជ្ជរ៉ាមាសបង >

< វិជ្ជរ៉ាមាសបង > 
១- វិជ្ជរ៉ាបណ្តូលចិត្ត ព្រលឹងបងអើយ 
កែវស្រស់ត្រានត្រើយ ត្រួយស្នេហ៍ជីវិត 
រៀមប៉ងប្រាថ្នា រួមរស់នែបនិត្យ 
 នឹងស្រស់វរមិត្ត លុះក្ស័យជន្មា ។ 
 ២- វិជ្ជរ៉ាមាសបង នួនល្អងស្រស់ណាស់ 
មិនកាចមិនឆ្នាស់ គ្រប់ល័ក្ខណ៍សោភា 
ចិត្តស្រីក៏ធ្ងន់ អត់ធន់គ្រប់គ្រា 
ចរិតល្អជា មាយាទស្រីខ្មែរ ។ 
R- វិជ្ជរ៉ាមាសបង ឈ្មោះពិរោះណាស់ 
សម្លេងទន់ច្បាស់ ភ័ក្រមូលដូចខែ 
ថ្ពាល់រលើបរលោងក្រពុំដែរ 
រៀមសូមផ្សងស្នេហ៍ រស់ជិតភុំផាន ។ 
៤- កម្រមានណាស់ ស្រីក្នុងលោកា 
ល្អដូចវិជ្ជរ៉ា ចរិយាបាន 
ទោះជាតួស្រី រឿងខ្មែរបុរាណ 
ក៏ប្រៀបមិនបាន និងវិជ្ជរ៉ាស្រី ។ 
ថ្ងៃ អាទិត្យ ១៥ កើត ពេញបូរមីណ៍ ខែ ពិសាខ 
ឆ្នាំច សំរឹទ្ធស័ក ព.ស. ២៥៦១ 
ត្រូវនិង ថ្ងៃទី ២៩ មេសា គ.ស. ២០១៨ .
  ដោយ : ផេង វិសុដ្ឋារ៉ាមុនី