ទឹកភ្នែកប្រវត្តិសាស្រ្តខ្មែរ

ទឹកភ្នែកប្រវត្តិសាស្រ្តខ្មែរ
--------------------------------
- ទឹកភ្នែកប្រវត្តិសាស្រ្ត ដាស់អស់ខ្មែរ
ទូទាំងក្រុងស្រែ ខ្មែរគ្រប់និន្នា
លើ ក្រោម កណ្តាល ដែនកម្ពុជា
ឲ្យរួមសាមគ្គា ឈប់លាបពណ៌គ្នា ។

- ប្រវត្តិសាស្រ្តឈឺចាប់ កុំបំភ្លេច
ខ្មែរចាំជានិច្ច កុំឲ្យឃ្លាតឃ្លា
ជាបទពិសោធន៍ បច្ចុប្បន្នការពារ
ជាតិកម្ពុជា យើងបានគង់វង្ស ។
- បើខ្មែរបែកឃ្លាត វិវាទគ្នាឯង
បរទេសសំញ៉ែង ឬទ្ធិតម្លើងធ្មង់
ឆ្លៀត ឆក់ឱកាស មិនឡើយរារង់
បំបាត់ពូជពង្ស សាវតារខ្មែរហើយ ។
=====================
ថ្ងៃ ព្រហស្បតិ៍ ១៥ កើត ពេញបូរមីណ៍ ខែ ផល្គុន
ឆ្នាំ រការ នព្វស័ក ព.ស. ២៥៦១ ( ថ្ងៃទី ០១ ខែ មិនា
គ.ស. ២០១៨ )
និពន្ធដោយ : ផេង វិសុដ្ឋារ៉ាមុនី
បរិញ្ញាបត្រសង្គមវិទ្យា