បើបានប្រពន្ធ ១ ត្រួយថ្លើមថ្លៃ
ខ្ញុំលៃអស់ដៃ ច្នៃស្នេហ៍ស្រីឆ្នើម
ថ្នាក់ថ្នម បីបាច់ យល់ដល់ចិត្តថ្លើម
តាំងពីចាប់ផ្តើម ដល់វ័យជរា ។
បេះដូងតែមួយ ខ្ញុំថែដុសខាត់
ឲ្យស្អាត ស ស្រេច ទុកជូនពុំងា
ថែចិត្ត ថែកាយ បន្ទំវិជ្ជា
រៀបចំឬកពារ ទុកជូនម្ចាស់ស្នេហ៍ ។
គ្មានទេ { ពាក្យក្បត់ } លួចលាក់មានស្រី
ចិត្តបែកពីរបី បេះដូងប្រួលប្រែ
មានតែ 《 ចិត្តធម៎ 》បេះដូងស្មោះស្នេហ៍
ទុកជូនម្ចាស់ស្នេហ៍ មាសមិត្តបណ្តូល ។
ដោយ : ផេង វិសុដ្ឋារ៉ាមុនី
No comments:
Post a Comment