ទង់ខ្មែរទាំងបី ក្តីសង្ឃឹម
មុខខ្មែរញញឹម សាមគ្គីគ្នា
ជុំវិញបល្ល័ង្ក ព្រះរាជា
ខ្មែររួបរួមគ្នា ការពារជាតិ ។
ទង់ជាតិអង្គរ ជំហរខ្មែរ
ចិត្តមុតមាំដែរ មិនរវាត
ទង់ព្រះសាសនា បរមនាថ
ឃ្លាំងវប្បធម៌ជាតិ និងសីលធម៌ ។
ទង់ព្រះសង្ហារ សញ្ញាជាតិ
អង្គព្រះវរនាថ ក្សត្របវរ
គ្រងរាជនគរ សុខសាន្តល្អ
ខេមរាអំណរ ដោយភក្តី ។
២៤ មិនា ២០១៨
ផេង វិសុដ្ឋារ៉ាមុនី
No comments:
Post a Comment