បណ្ណាល័យ និង បណ្ណាគារ

បណ្ណាល័យ និង បណ្ណាគារ
--------------------------------
បណ្ណាគារ និង បណ្ណាល័យ
គឺមានតម្លៃ ថ្លៃណាស់ណា៎
សម្រាប់ជីវិត អ្នកសិក្សា
និស្សិតខេមរា បញ្ញវន្តក្តី ។

ទាំងអ្នកស្រាវជ្រាវគ្រប់វិជ្ជា
ជនជាតិនានា លើផែនដី
ទុកបណ្ណាគារ-បណ្ណាល័យ
ថាមានតម្លៃ ពេជ្រមិនស្មើ ។
អ្នកដែលនិយម បណ្ណាល័យ
បណ្ណាគារថ្លៃ សុទ្ធគ្រាន់បើ
គឺស្រលាញ់ចំណេះ ដ៏ប្រសើរ
មានអ្វីមិនស្មើ មានវិជ្ជា ។
បណ្ណាគារ និង បណ្ណាល័យ
ជាឃ្លាំងនិស្ស័យ មនុស្សគ្រប់គ្នា
ថែមទាំងឃ្លាំងចំណេះវិជ្ជា
កូនខ្មែរគ្រប់គ្នា គួរនិយម ។
------------------------------------
ថ្ងៃ ៤ រោច ខែ មិគសិរ ឆ្នាំ មមែ ព.ស. ២៥៥៩
ត្រូវនឹងថ្ងៃ អង្គារ ទី ២៩ ខែ ធ្នូ ឆ្នាំ ២០១៥
ដោយ ៖ ផេង វិសុដ្ឋារ៉ាមុនី
ពុទ្ធិក សាកលវិទ្យាល័យព្រះសីហនុរាជភ្នំពេញ