តើធ្វើដូចម្តេច ដើម្បីក្លាយខ្លួនទៅជាកវីនិពន្ធ ដ៏ល្បីល្បាញម្នាក់?

តើធ្វើដូចម្តេច ដើម្បីក្លាយខ្លួនទៅជាកវីនិពន្ធ ដ៏ល្បីល្បាញម្នាក់?
(នេះជាសំនួរដែលខ្ញុំធ្លាប់ឮគេសួរគ្នា)

ឆ/ខ្ញុំសូមសាកល្បងឆ្លើយ ។ ប៉ុន្តែមិនមែនជារូបមន្តបែបគណិត
សាស្ត្រនោះទេ គឺជាទស្សនៈរបស់ខ្ញុំផ្ទាល់តែប៉ុណ្ណោះ។
“និយាយជារួម ចំពោះខ្ញុំដែលចាប់ផ្តើមសរសេរពិដំបូងឡើយ,ខ្ញុំួ
មិនដែលគិតដល់សំនួរនេះទេ” ។មានន័យថា ពេលខ្ញុំឡើងទៅលើ
ផ្ទះ គឺខ្ញុំសម្លឹងកាំជណ្តើរទី១,ខ្ញុំមិនដែលសម្លឹងកាំជណ្តើរទី៩មុនទេ។
-ចំពោះការសរសេរក៏ដូចគ្នាខ្ញុំគ្រាន់តែគិតថា«គេធ្វើបាន,ខ្ញុំក៏ធ្វើបាន»

១/ប៉ុន្តែបើចង់ធ្វើបានដូចគេ ត្រូវខិតខំព្យាយាមរៀនសូត្រជានិច្ច. . .
1-រៀនពីគ្រូផ្ទាល់។
2-រៀនតាមស្នាដៃកវីនិពន្ធរៀមច្បង។
3-រៀនសូត្រពីសង្គម(គឺរៀនទាំងសង្គមមនុស្សនិងហ្វូងសត្វ)។ល។
4-មិនតាំងខ្លួនជាអ្នកចេះ។
5-មិនតាំងខ្លួនជាមនុស្សធ្លាក់ពីលើមេឃ។(មានន័យថាមិនតាំងខ្លួន
ជាមនុស្សអស្ចារ្យលើសគេឯងនោះឡើយ)។

២/ពេលសរសេរតើត្រូវធ្វើដូចម្តេច ដើម្បីបានសម្រេចជោគជ័យ?
1-ត្រូវក្លាហាននិងព្យាយាមក្នុងការសរសេរ ដោយមិនអនុគ្រោះ
ឱ្យខ្លួនឯងសរសេរខុសពីវិធីសាស្ត្រនិពន្ធដាច់ខាត។
2-សរសេរពីចរិតស្នាដៃ ដែលមានទស្សនៈប្លែកពីគេ។
3-ពេលសរសេររួចហើយ ត្រូវរកវិធីផ្សព្វផ្សាយស្នាដៃ។ ជាពិសេស
ត្រូវហ៊ានចូលរួមប្រឡងដណ្តើមជ័យលាភីកុំខ្លាចបរាជ័យ។
4-កុំធ្វើខ្លួនយើងប្រដូចទៅនឹងអ្នកដទៃគឺត្រូវធ្វើខ្លួនជាខ្លួនរបស់យើង។
5-បើយើងបានឃើញអ្វី ត្រូវសរសេរយ៉ាងណាឱ្យអ្នកអាននិងអ្នកស្តាប់
ដូចបានឃើញជាមួយយើង។
៣/ប្រសិនបើ,ពេលសរសេរជួបការលំបាក ទៅមុខមិនរួចតើត្រូវធ្វើ
ដូចម្តេច?
1-អាចប្តូរតួអង្គ។
2-អាចប្តូរបរិយាកាស។
3-ដាច់ខាតយើងមិនត្រូវសរសេររឿង នឹកឃើញភ្លាមសរសេរភ្លាម
នោះទេ។យើងត្រូវធ្វើតារាងឈុត,ឆាក ជាមុនសិនទើបស្នាដៃយើង
បានល្អ។ល។
៤/តើកវីនិពន្ធមានសារៈសំខាន់អ្វីខ្លះ ចំពោះសង្គមជាតិ?
1-រកថវិការផ្គត់ផ្គង់គ្រួសារខ្លួនផ្ទាល់។
2-ផ្តល់ការងារឱ្យសិល្បករគ្រប់ទម្រង់ដូចជា៖តន្ត្រីករ,អ្នកចម្រៀង,
អ្នកសម្តែង និងវិចិត្រករ។ល។
3-ផ្សព្វផ្សាយពីវប្បធម៌ជាតិ អាចលើកស្ទួយថវិការជាតិ តាមរយៈ
ពួកទេសចរណ៍។ល។
4-អប់រំមនុស្សក្នុងសង្គមឱ្យមានសុជីវធម៌។
5-បង្កើនចំណេះដឹងឱ្យមនុស្សគ្រប់វ័យ។ជាពិសេសកុមារ។ល។
6-បណ្តុះមនសិការកុលបុត្រ កុលធីតាខ្មែរគ្រប់រូបមានឧត្តមគតិ
ស្នេហាជាតិ។ល។បង្ហាញជូនដោយ វ៉ែន សុន/ ១៧,១១,២០១៤