ស្រីអើយស្រីតូចចង្កេះម៉ាក្តាប់
ត្រគាកណែនហាប់ បងគន់មិនណាយ
ភ័ក្រស្រស់ប្រិមប្រិយ សក់វែងអន្លាយ
ក្តោងស្រួចឆោមឆាយ ទ្រូងពើងក្រពុំ ។
បបូរមាត់ស្រស់ញញឹមមានស្នេហ៍
ចិញ្ចើមដូចខែរនោចបំាងភ្នំ
ម្រាមបន្លាក្រូចស្អាតពេញនិយម
កំភួនមាសម៉ុម តូចស្តើងស្រឡូន ។
បើស្អាតម្លឹងៗ រៀមសូមស្នើចិត្ត
ទៅពៅវរមិត្ត ថាតើរូបអូន
មេម៉ាយ ក្រមុំសាច់សម៉ត់សូន្យ
បងសូមស្តីអូន ជាគូជីវិត ។
ដោយៈ ផេង សុខវ៉ាន់ដា
No comments:
Post a Comment