« ឈាមយើងជាខ្មែរ ពូជអង្គរ » និពន្ធដោយ ផេង វិសុដ្ឋារ៉ាមុនី

ឈាមយើងជាខ្មែរ ពូជអង្គរ
មោះមុតជំហរ ឈរក្លាហាន
សាមគ្គីជួយគ្នាគ្រប់សន្តាន
ខេមរាគ្រប់ប្រាណ ឯកភាពគ្នា ។

ឈប់ឈ្លោះលាបពណ៌ឲ្យគ្នាទៀត
សាមគ្គីរួមញាតិ កម្ពុជា
ជុំវិញបល្ល័ង្ក ព្រះរាជា
ខ្មែរឯកភាពគ្នា ការពារជាតិ ។

ឈាមខ្មែរ ចិត្តខ្មែរ បេះដូងខ្មែរ
ទូទាំងក្រុងស្រែ សុទ្ធតែញាតិ
សន្តានបងប្អូនខេមរៈជាតិ
គួរតែខ្មីឃ្មាត ជួយគ្នាឡើង......
-----------------------------------
ដោយ « ផេង វិសុដ្ឋារ៉ាមុនី »
ពុទ្ធិក សាកលវិទ្យាល័យព្រះសីហនុរាជភ្នំពេញ