កំណាព្យ « ទឹកចិត្ត ផេង សុខវ៉ាន់ដា »

វ៉ាន់ដាចិត្តស្មោះកម្លោះសុទ្ធ
ភក្តីបំផុត រាជបល្ល័ង្ក
សន្តានញាតិខ្មែរ ស្រលាញ់ខ្លាំង
កម្លាំងទឹកចិត្ត ឈាមជ័រខ្មែរ ។

បេះដូងវ៉ាន់ដាមានតែមួយ
ស្មើជីវិតត្រួយ បណ្តូលស្នេហ៍
ថែទាំរក្សារាប់ឆ្នាំខែ
ទ្វាបេះដូងស្នេហ៍ មិនទាន់គិត ។
បេះដូងខ្ញុំថ្លៃ និស្ស័យខ្មែរ
ទុកជូនម្ចាស់ស្នេហ៍ ស្រស់វរមិត្ត
ស្រីស្រលាញ់ជាតិ ចិត្តល្អពិត
សិល្បៈជំនិត វប្បធម៌ខ្មែរ ។
បរិសុទ្ធបេះដូងវ៉ាន់ដា
មិនប្រឡាក់រ៉ា បញ្ហាស្នេហ៍
មានតែចិត្តស្មោះនិងជាតិខ្មែរ
អង្គក្សត្រាដែល ភក្តីស្មោះ ។
..............................................
៣០ វិច្ឆិកា ២០១៥
ផេង វិសុដ្ឋារ៉ាមុនី ( ផេង សុខវ៉ាន់ដា )