អូន គឺជាដង្ហើមជីវិតបង

អូន គឺជាដង្ហើមជីវិតបង
------------------------
I. អូនគឺជាដង្ហើមជីវិតបង 
បើគ្មាននួនល្អងបងពិតជាក្ស័យ
ព្រោះអូនជាដង្ហើមស្នេហ៍និស្ស័យ
 កែវស្រស់ចរណៃម្ចាស់បេះដូងបង ។
II. ម្ចាស់ជីវិតបងនួនល្អងនេះហើយ
 សូមកែវត្រាណត្រើយជ្រាបណ៎ាស្នេហ៍ស្នង
ជាតិនេះស៊ូក្ស័យស្ម័គ្រតែនួនល្អង
 មិនឡើយបែខ្នងដោះដៃចោលស្រី ។
III. វាសនាកម្រិតព្រហ្មលិខិតចារ 
បងនិងជីវ៉ាពិតគូមេត្រី
បានជាជាតិនេះលោកប្រោសប្រណី
 អោយបងនឹងស្រីមាននិស្ស័យគ្នា ។
IV. សម្បថបងស្បថមេឃដីសាក្សី 
ថាពិតស្នេហ៍ស្រីលុះក្ស័យជន្មា
បើបងក្បត់សំដី ក្បត់ពុំងារ
 អោយរន្ទះមា បាញ់កណ្តាលថ្ងៃ ។ចប់។
-----------------------------------------------------
ដោយៈ ផេង វិសុដ្ឋារ៉ាមុនី រាជភក្តីស្មោះស្នេហ៍