--------------------------------
១. គយគន់រូបថតស្រីក្នុង Facebook
រៀមខំ Save ទុករូបកន្និដ្ឋា
គ្រាន់បានមើលភ័ក្រ នឹកអនុស្សា
គ្រាវ័យកុមារ ធ្លាប់រត់ប្រឡែង ។
២. សម្រស់ធម្មជាតិ សែនស្រស់អស្ចារ្យ
ដូចទេពធីតាសួគ៌លើភពផែន
គន់ទៅដើមទ្រូង ពើងហាប់ពេញណែន
ពេញស្រុកខ្មែរសែនស្រស់គ្មានស្រីផ្ទឹម ។
៣. សក់វែងអន្លាយ សាយដល់ត្រគាក
ថ្ពាល់ខួច ត្រចៀកវែង ភ័ក្រញញឹម
សាច់ ស សែនសមរួសរាយប៉ប្រិម
រៀមតែងសង្ឃឹម បានកែវជាគូរ ។
៤. ស្រស់ហើយស្អាតទៀត រៀមទ្រំាម្តេចបាន
រាល់ថ្ងៃព្រួយខាន ខ្លាចស្រីមិនស៊ូ
នៅរងចំាយកបងជាគាប់គូរ
ព្រោះវេលាយូ ទម្រំារៀនចប់ ។
៥. រៀមសូមអង្វរ ចិត្តកែវកន្និដ្ឋា
ទោះយូប៉ុណ្ណា ស្រីកុំធន់ថប់
សុំរងចំាបង លុះទីបញ្ចប់
យ៉ាងយូរៀនចប់បណ្ឌិត ណា៎ស្រី ។
៦. ស្រីជឿចិត្តបងទៅ មិនខុសឡើយ
មិនក្បត់ត្រាណត្រើយ លេបសំដី
ព្រោះបេះដូងបង មានតែពៅស្រី
ជាម្ចាស់បុរីស្នេហ៍ក្នុងបេះដូង ។
-------------------------------------------
រាជធានីភ្នំពេញ ១៥ កុម្ភៈ ២០១៥
ដោយ៖ ផេង វិសុដ្ឋារ៉ាមុនី
No comments:
Post a Comment